महिलासँग पार्टी कार्यालयभित्र दिउँसै अन्र्गल काम गरेको खुलासा

चैत २२ । राप्रपाका महामन्त्री दीपक बोहरा पार्टी कार्यालय जान छाडेको धेरै भइसकेको छ । उनी कहिलेकाहीँ गए पनि आफ्नो कार्यकक्षमा भने पस्दैनन् । तर उनको कार्यकक्ष दिनहुँजसो सरसफाइ गरिन्छ । मुख्यसचिव हरि घिमिरे बिहान ९ बजेअघि र बेलुका ५ बजेपछि महामन्त्री बोहराकै कार्यकक्षत्रि पस्छन् । उनलाई साथ दिएरहेकी हुन्छिन् पार्टी कार्यालयकै एक महिला कर्मचारीले । केही दिनअघि ४ बज्नुअघि नै मुख्यसचिव घिमिरे र ती महिला कर्मचारी ढोका थुनेर महामन्त्री बोहराको कोठामा मिटिङ बसेका रहेछन् । तर अभि मान्छे छन् भन्ने मेसो नपाएपछि अरु कर्मचारीहरू ढोकामा चुक्कुल लगाएर बाहिर निस्केछन् । समाचार स्रोतका अनुसार यो घटनापछि मुख्यसचिव घिमिरे अफिस समयमा ती महिला कर्मचारीसँग मिटिङमा बस्न छाडेका छन् । हिजोआज उनी ९ बजेअघि नै कार्यालय पुगेर केहीबेर बसी निस्किन्छन् र बेलुका ५ बजेतिर नजिकैको एभरेष्ट रेष्टुरेन्टमा पुग्ने गरेको देख्नेहरूले बताएका छन् । ती महिला कर्मचारी पनि खाजा खान त्यहीँ पुग्ने गरेको बताइन्छ । जब कार्यालयका सबै कर्मचारी घर जान्छन्, तब उनीहरू केन्द्रीय कार्यालयमा आउँछन् स्रोतले भन्यो । केन्द्रीय कार्यालय सञ्चालन गर्ने जस्तो गहन जिम्मेवारी पाएको मुख्य कर्मचारी हरेक दिन १० बजे सबै कर्मचारीलाई बोलाएर सामूहिक मिटिङ राख्ने प्रचलन हुन्छ । तर अरु कर्मचारीसँग विश्वास नभएर हो या किन हो राप्रपा केन्द्रीय कार्यालयका मुख्यसचिव घिमिरे एकजना महिला कर्मचारीसँग मात्रै नियमितजसो मिटिङ बस्नुको रहस्य बुझ्न नसकिएको एक केन्द्रीय सदस्यले बताए । अन्य कर्मचारीले भने उनीहरूबीच अन्रंग सम्बन्ध रहेको आशंका गरेका छन् । पार्टी केन्द्रीय कार्यालयको आफ्नो कार्यकक्षमा भइरहेको यो काण्डबारे महामन्त्री बोहरा अनभिज्ञ छन् वा छैनन् ? पुष्टि हुन सकेको छैन । तर पछिल्लो समय भने उनले श्रम मन्त्रालयमै चाँदी कटाई गरिरहेका छन् । म्यानपावर दलालहरूले कामदार विदेश पठाउँदा व्यापक ठगी गरेपछि पूववर्ती श्रम राज्यमन्त्री टेकबहादुर गुरुङले फ्रि भिसा, फ्रि टिकको अवधारणा लागू गरेका थिए ।